Arkitektura eta Hirigintzako Eraginkortasun Energetikoari eta Iraunkortasunari buruzko Nazioarteko Biltzarraren hamabosgarren edizioak (EESAP 15) «Habitat hobe baterako kosorkuntza» gaia jorratuko du.
Kosorkuntza hiztegietan oraindik jasotzen ez den terminoa da; hala ere, terminoaren erabilerak garrantzi handiagoa hartu du jada hainbat lanbide-esparrutan, eta aspalditik aplikatzen da kontzeptuen, soluzioen, produktuen edo zerbitzuen garapen kolaboratiborako. Arkitekturaren, hirigintzaren eta lurralde-antolamenduaren esparruan, duela zenbait urte hasi ziren ezartzen. Gure gizartea murgilduta dagoen trantsizio ekologiko, sozial eta teknologikoko prozesuei erresilientziaz eta arrakasta handiagoz aurre egitea ahalbidetuko duen metodologia gisa identifikatzen da. Habitataren eraikuntza kolektiboak, HABITATA eskala guztietan ulertuz, hots, lurralde, hiri, arkitektura mailan, pertsona guztien bizi-kalitatea bermatzen lagunduko digu (edo, gutxienez, hurbilduko gaitu), baita klima-neutraltasun justua lortzen ere.
Habitata eraikitzeko modu berri honen eta eskala anitzeko ikuspegi horren inguruan egituratu nahiko genituzke ekarpenak, honako lau ildo hauei dagokienez: mugikortasun iraunkorra, azpiegitura berdea, ekonomia zirkularra eta gizarte-berrikuntza, kosorkuntza funtsezko alderdia izanik arkitekturan, hirian eta lurralde diseinuan. Lau lerroak, emakumeen eta gizonen berdintasunaren printzipioa aplikatzeak zeharkatzen ditu Ikerketa-lan guztietan, Europako jarraibide berriekin bat etorriz. Ekarpenak esperientzia zehatzen, adibide egokien, metodologien, esplorazio metodologikoen edo bestelako aukeren ingurukoak izan daitezke. Ezagutza aberasten lagunduko dutenak eta habitat iraunkorragoak sortzeko lankidetza sustatuko dutenak, emakumeek eta gizonek eta, egoera ahulean dauden pertsona guztiek baliabide eta eskubideak berdintasunez eskura ditzaten.
Mugikortasun iraunkorra:
Garraio publikoko estrategia irisgarriak eta ingurumenarekiko errespetuzkoak aztertzea, baita estrategia horiek ezartzeak hirietako bizi-kalitatea nola hobetu dezakeen ere, komunitatea diseinuan eta erabakiak hartzean inplikatuko duen lankidetza-ikuspegi baten bidez.
Azpiegitura berdea:
Berdeguneak hiri-inguruneetan integratzearen inpaktua aztertzea, osasunari, ongizateari eta ingurumen-iraunkortasunari dagokienez, espazio horien plangintzan eta sorreran pertsonen parte-hartze aktiboa kontuan hartuta, inor atzean ez uzteko.
Ekonomia zirkularra:
Ingurune bizigarrien diseinuan eta eraikuntzan baliabideak murrizteko, berrerabiltzeko eta birziklatzeko aukerak identifikatzea, eraginkortasuna eta iraunkortasuna sustatuz, tokiko hainbat eragile eta komunitate inplikatuko dituzten kosorkuntza prozesuen bidez.
Gizarte-berrikuntza:
Herritarren parte-hartzeak eta talde ezberdinen lankidetzak komunitate inklusibo, erresiliente eta iraunkorrak sortzen nola lagun dezaketen aztertzea habitataren maila guztietan; espazioen diseinuan kosorkuntza sustatuz ahalduntzea eta gizarte-kohesioa lortzeko helburuarekin.
Era berean, 2024. edizio honetatik aurrera, generoaren zeharkakotasuna faktore berritzaile gisa txertatzen da. 2020tik Europako Batzordeak genero-berdintasunaren arloan EBren estrategia definitzen eta hartzen duen aldaketari erantzuten dio honek. Estrategia honek helburu politikoak eta ekimenak aurkezten ditu 2025a baino lehen genero-berdintasuna izango duen Europarantz modu esanguratsuan aurrera egiteko. Esparru horretan, 4 ildo tematikoak bide hori markatzeko aukera bat dira. Berrikuntzan, zaintzaren mugikortasunaz ere hitz egin behar da, edo emakumeek jakintza desberdinak eta, askotan, ikusezinak dituzten aldetik partehartze aktiboa izango dutela bermatu behar da; berrikuntza, aldi berean, arkitektura- eta hiri-espazioak eraiki ahal izateko, neutraltasun-presuntzioa atzean utzita, baliabideetarako eta espazioetarako berdintasunezko sarbidea bermatzeko, arauz kanpoko, egunerokoago eta behar bereiziagoei erantzunez.
Eztabaida berri honen aurrean, gure ohiko kolaboratzaileak eta biltzarraren hamabosgarren edizioan parte hartu nahi luken oro gonbidatzen ditugu beren proposamenak aurkeztera. Aurreko edizioetan bezala eta bere alderdi akademikoan oinarrituta, biltzarra bereziki ikasle, profesional eta ikertzaileei zuzenduta dago.
EESAP8/CICA1 ediziotik, zientzia eta teknikaren zabaltze-eremua eraikuntza berrikuntzetara zabaldu da eta baita enpresa mundura ere, enpresa berrikuntzak indartzeko dauden gizarte beharrei erantzuna emateko, eta era berean, horiek hiritar guztien bizi kalitate maximoa lortzeko bidean jartzeko.
Antolakuntza batzordeak, CAVIAR ikerketa taldeak (Arkitekturako Bizi Kalitatea, UPV/EHU) osatua, gaurkotasuna duten eta berritzaileak diren gaiak lantzen dituen antolaketa baten aldeko apustua egin du. Espazioa honetan, horrela, adituek, ikertzaileek, ikasleek eta enpresek elkar eragiteko, ezagutzak trukatzeko eta sarea sortzeko aukera izango dute, habitataren eskala bakoitzerako bi eguneko eta lau gai-blokeko programa baliatuz. Programa horretan hitzaldi magistralak, mahai-inguruak, komunikazio libreak eta workshop-ak sartzen dira.
Ikastaroaren hizkuntza ofizialak gaztelania eta ingelesa dira.
Poster eta komunikazio saioetan ez da interpretaziorik izango. Aurkezpen horiek egileak aukeratzen duen hizkuntzan egingo dira, hala nola, gaztelaniaz edo ingelesez.
Biltzarrean parte hartzeko hautatuak izan diren komunikatu eta poster guztiak argitalpen bakar batean jasoko dira, biltzarrak egingo duena UPV/EHUko Argitalpen Zerbitzuaren bidez eta dagokion ISBN / ISSN arekin. Lanen egileek argitaratu ahal izateko baimena eman beharko dute aurrez.
Aurtengo edizioan, Zientzia Batzordeak ondoen baloratutako artikulua aldizkari batean argitaratuko da, egileak berak aukeratuta, MDPI argitaletxean.
